Kosova do të marrë pjesë në Kampionatin Evropian të Pingpongut U13, i cili do të zhvillohet nga 11 deri më 15 nëntor 2026, në Nevşehir të Turqisë, ku gjashtë sportistë të rinj do të përfaqësojnë vendin tonë në këtë aktivitet të rëndësishëm të pingpongut evropian.
Pjesëmarrja e Kosovës në këtë kampionat përbën një mundësi të rëndësishme për promovimin e vendit tonë në arenën ndërkombëtare, afirmimin e talenteve të reja dhe forcimin e pranisë së pingpongut kosovar në garat evropiane.
Delegacioni i Kosovës përbëhet nga:
Sportistët:
Imran Duraki
Denat Makolli
Arijon Krasniqi
Zana Bllaca
Adena Berisha
Erina Vranovci
Trajnerët:
Shoqërues:
Për sportistët e rinj, ky kampionat ofron një përvojë të vlefshme ndërkombëtare, mundësi për të garuar me bashkëmoshatarë nga vende të ndryshme evropiane dhe për të zhvilluar më tej aftësitë e tyre sportive.
Përfaqësimi në aktivitete të këtij niveli ka rëndësi të veçantë jo vetëm për zhvillimin e pingpongut, por edhe për promovimin e Kosovës përmes sportit. Prania e sportistëve tanë në Kampionatin Evropian U13 kontribuon në rritjen e dukshmërisë së vendit, krijimin e lidhjeve sportive ndërkombëtare dhe prezantimin e potencialit të gjeneratave të reja kosovare.
Sportistëve dhe stafit të delegacionit tonë u urojmë shumë suksese, me krenarinë që përfaqësojnë Kosovën në arenën evropiane dhe kontribuojnë në promovimin e vendit tonë përmes sportit! Të bashkangjitur gjeni linkun përmes të cilit mund t’i përcillni rezultatet e kampionatit: https://www.ettu.org/european-under-13-championships/
