AMANT SEJDIU DHE MAXHIRE SOJEVA FITUES TË TURNEUT TOP 8 U13

Sot me datën 30.09.2023 në SHFMU “Tefik Çanga” në Ferizaj u mbajt turneu TOP 8 për kategorinë U13 për meshkuj dhe femra.

Në këtë turne emocionues, të rinjtë e talentuar shfaqën aftësitë e tyre, duke zhvilluar ndeshje tërheqëse dhe të pasura me rivalitet. Lojtarët e përzgjedhur për top 8 treguan nivel të lartë teknik dhe taktik, duke demonstruar angazhimin e tyre të vërtetë për këtë sport.

Në kategorinë e femrave, Maxhire Sojeva nga ‘’KPP AHMET HOXHA MK’’ u shpall kampione e këtij turneu, pasi arriti të shënoi fitore në të gjitha ndeshjet që luajti. Në vendin e dytë dhe të tretë u renditen Vlera Beqa nga ‘’KPP SHPRESA’’ dhe Sara Hoxha nga ‘’KPP AHMET HOXHA F’’ me nga 5 fitore nga 7 ndeshje të luajtura.

Në kategorinë e meshkujve, Amant Sejdiu nga ‘’KPP AHMET HOXHA MK’’ u shpall kampion i turneut duke shënuar fitore në të gjitha ndeshjet e luajtura. I dyti pas tij me 5 fitore nga 7 ndeshje u rendit Muhammet Mudut nga ‘’KPP KVPP PRIZRENI’’ i cili pati paraqitje shumë të mirë në ndeshjen e fundit, që ishte edhe përcaktuese për vendin e parë, kundër Amantit humbi në diference 3:2. Në vendin e tretë u rëndit Olti Behluli nga ‘’KPP AHMET HOXHA MK’’ me 5 fitore nga 7 ndeshje.